මිනී මල් පැහයටත් ඉඩ තැබුණු හදවතේ....

                                   ජීවිතේ පිය හසර

                                   සෙනෙහසින් පිය නැගූ

                                   සුවහසක් දරු ලැබූ

                                   සත්‍යයේ පියාණනි..

                                   නේක මල් ගොමු අතර

                                   මිනී මල් පැහැයටත්

                                   ඉඩ තැබුණු හදවතේ

                                   සුවඳ පියුමක් පිපේ..

                                   මිනීවල තුල නිදන

                                   සුපිපි අරවින්දයේ

                                   සියක් පෙති තෙමී යයි

                                   සහස් කඳුළැලි වැටේ..

                                   විශ්වයේ තරු අතර

                                   සුවපත්ව ඔබ පෙනේ

                                   පැහැසරින් ඔබ දිලෙන

                                   සැනසුමක් සිත නැගේ..

(තම තම ණැන පමණින් බ්ලොග් අඩවිය ලියූ අප අතරින් වියෝවුණු කුමුදු ලාල් පින්තු මහතා ‍ වෙනුවෙනි)