නිම කරමි නොයෙක වැඩ
රකිනු වස් ජීවිතය
නිදහසක් පතාගෙන
ක්‍රියාවේ වහලෙක්ව......
නිදාගමි අඳුර තුළ
විඩාවන් සනහමින
එහෙත් රෑ තුන් යමේ
සිහිනවල වහලෙක්මි...
තැවුල් බර මතකයන්
බරව ගිය හදවතින
හිඳිමි මම ගිලීගොස්
මහ දුකක වහලෙක්ව.....
නසාලමි හදෙහි දුක
සිනහවෙන් පිරී යමි
හිඳිමි මම එකල්හිද
ප්‍රීතියෙහි වහලෙක්ව....
අරුත් පිරිසිඳ දකින
මේ මහත් වහල්කම
නැගෙන සිතුවිලි ළඟදි
මම තවම වහලෙක්මි....
මිනිසත් කම් ලබා
ReplyDeleteමෙදියත උපන් හැම
කෙළවරක් නැතිවම
සිතිවිලි සයුරේ ගිලී
එහිම වහලෙකුව
දැවේ තැවේ හැමදාක........
අසීමිත විශ්වයෙහි
ReplyDeleteපැතිරිලා ඔබ ඉන්න
කෝ කොහිද වහල් කම
සිනාවෙන් ඉතිරෙන්න
ජීවිතය සුන්දරයි
ඉතින් ඔබ හිනැහෙන්න
අන්නතය තෙක් දුරට
ආදරය පතුරන්න
අදහස් වලට ස්තූතියි ඔබ දෙදෙනාටම.
ReplyDelete