මෙත් කරුණා ගිරි කුළකින්
රූරා ඇද හැලී වැටෙන
පාරිශුද්ධ දිය දහරකි
බුදු බණ පදයක් සිතකට...
සසර දුකට ඔසුවක් මිස
සා පවසට නොවේ එදිය
එදියෙන් සැනහුණු උතුමෝ
ලොවට පහන් තරුවක් මෙන...
මෙත් කරුණා මුදිතාවෙන්
සැදුණු මෙදිය බිඳු සැණෙකින
සිරුරට වැද සිහිල සමග
පුබුදයි සිත සුවපත් කර...
සසර දුකට බිය වූවෝ
පාරිශුද්ධ දිය බීවෝ
ඔවුනගෙ සිත් සමාධියට
සසර දුක්ද දණ නැමුවෝ...
ලස්සනයි. හරිම අර්ථවත් ඔයා අතින් ලියවුන කවි පද අතුරින් මම ආසම එක මේ. කරුණා ගුනයේ ස්ථරත්වය දැන් වීමට ගිරි කුළක් භාවිත කිරීමත් එහි මුදු මොළොක් ගතිය විදහා පෑමට දිය දහරාවක් වැනි වචන භාවිතයත් හරිම අලංකාරයි.
ReplyDeleteමේ අදහසේ ශාන්ත බවට...හිත අදිලා යනවා....
ReplyDeleteඅපිට මේ සරන හැර වෙන කවර සරනක්ද?......
ඔබට පින්බර වෙසක් මංගල්‍යයක් වෙවා!!!!!!!!!
වෙසක් සුළගේ
ReplyDeleteදහම් සුවඳේ
දැනේ සිත් සපුරා
කුසල් පුරමින්
සෙත් වඩවමින්
ඉදිමු පින් වපුරා
" සිරුරට වැද සිහිල සමග
ReplyDeleteපුබුදයි සිත සුවපත් කර..."
ඒ සිහිල මුළු සිතටම දැනෙනවා වගෙයි.